Fréttir | 19. des. 2017

Heiðursdoktor

Forseti Íslands er gerður að heiðursdoktor við Queen Mary, University of London. Forseti stundaði þar doktorsnám og lauk prófum árið 2004. Doktorsritgerð hans fjallaði um fiskveiðideilur á Norður-Atlantshafi 1948-1964 og má lesa hana hér. Við útskrift nemenda, þar sem forseti var sæmdur heiðursdoktorsnafnbótinni, flutti hann stutt ávarp og minnti þar á mikilvægi menntunar og sérfræðiþekkingar en ætíð yrði þó að hafa í huga takmörk þekkingar og nauðsyn þess að hlusta á ólík sjónarmið og nálganir á viðfangsefni.