Forseti sæmir Petter Jonny Rivedal fálkaorðu fyrir framlag til varðveislu íslensks menningararfs. Petter Jonny hefur um árabil haft umsjón með styttunni af Ingólfi Arnarsyni og umhverfi hennar í Hrífudal í Noregi. Þar hefur hann gegnum árin tekið á móti fjölda íslenskra ráðamanna, sendiherra og annarra sem heimsótt hafa styttuna, heiðrað minningu Ingólfs og haldið á lofti sögulegum tengslum Íslands og Noregs.

Pettar Jonny er nú staddur á Íslandi í fyrsta sinn, til að afhenda síðustu síldartunnuna Síldarminjasafni Íslands á Siglufirði. Tunnan sem um ræðir féll frá borði Suðurlands, síðasta flutningaskipsins sem náði fram til Íslands fullfermt nýsmíðuðum tunnum frá Dale árið 1986. Petter Jonny bjargaði tunnunni þegar hana rak á land við Hrífudal, handan fjarðarins við Dale, og hefur hann varðveitt hana á heimili sínu síðan, nú í nær fjóra áratugi. Styttan verður afhent Síldarminjasafninu 31. maí og markar það tímamót í sögu Íslands og Noregs.