Forseti flytur opnunarávarp á alþjóðaráðstefnu norrænna samtaka háls-, nef- og eyrnalækna, the Nordic Association of Otolaryngology. Ráðstefnan er haldin í Reykjavík. Í máli sínu minnti forseti meðal annars á mikilvægi þess að efla og virða sérfræðiþekkingu á sviði læknavísinda en jafnframt að allri slíkri visku þurfi að fylgja efahyggja og auðmýkt, auk ríks vilja til að útskýra fræði og kenningar fyrir almenningi. Ráðstefnuna sækja sérfræðilæknar á þessu sviði frá fjölmörgum löndum.