Forseti á fund með Will Lewis, þýðingasérfræðingi frá Microsoft, sem stjórnað hefur vinnu við vélræna þýðingu milli ýmissa tungumála í hugbúnaði fyrirtækisins. Í för með honum voru Heimir Fannar Gunnlaugsson framkvæmdastjóri og fleiri starfsmenn Microsoft á Íslandi. Rætt var um ýmsar hliðar þýðingastarfs og gildi þess fyrir íslenskt málsamfélag að íslenska sé meðal þeirra tungumála sem horft er til við þróun þýðingakerfa og annars hugbúnaðar.