Forseti tekur á móti Katrínu Jakobsdóttur forsætisráðherra, Ólafi Ragnari Grímssyni fyrrverandi forseta og fjölskyldu hans og fleiri gestum í tilefni af því að ný brjóstmynd af Ólafi Ragnari var afhjúpuð á Bessastöðum. Myndin verður á efri hæð Bessastaðastofu með brjóstmyndum af öðrum fyrrverandi forsetum lýðveldisins. Við þetta tækifæri flutti forseti ávarp og það gerðu einnig forsætisráðherra, Ólafur Ragnar og Helgi Gíslason myndhöggvari, höfundur verksins.