Forseti tekur þátt í söfnunarátaki Blátt áfram, félags um forvarnir gegn kynferðisofbeldi á börnum. Forseti keypti fyrsta lyklukippuljós ársins en með sölu á þannig grip aflar félagið fjár til starfsemi sinnar. Félagar í Íslandsdeild BACA, Bikers against child abuse, fylgdu forsetabifreiðinni að Hagkaupum í Skeifunni í Reykjavík þar sem söfnunarátakið hófst.