Forsetahjón halda áfram heimsókn sinni í Reykjanesbæ. Í hádeginu skoðuðu þau Fjölbrautaskóla Suðurnesja og ræddu við kennara og flutti forseti ávarp þar og svaraði spurningum nemenda ásamt forsetafrú. Næst lá leiðin í Heilbrigðisstofnun Suðurnesja þar sem gestirnir skoðuðu aðstöðu og húsnæði og ræddu við starfsmenn. Í Dósaseli kynntu forsetahjón sér starfsemina og ræddu við starfsmenn. Í kjölfarið lá leiðin í Miðstöð símenntunar á Suðurnesjum þar sem þau hittu meðal annars Íslendinga af erlendum uppruna sem þar afla sér menntunar í íslensku og fleiri greinum. Í Reykjaneshöllinni heilsuðu forsetahjónin upp á krakka á fótboltaæfingu og í kjölfarið hittu þau stelpur og stráka á fimleikaæfingu. Loks var haldið í Hljómahöllina þar sem forsetahjónin skoðuðu Rokksafnið og heimsóttu svo Tónlistarskóla Reykjanesbæjar þar í húsinu og hlýddu á Bjöllukórinn sem Karen J. Sturlaugsson stjórnaði. Síðdegis hófst svo málstofa um atvinnumál og framtíðarhorfur í Reykjanesbæ.
Fréttir
|
02. maí 2019
Heimsókn í Reykjanesbæ
Aðrar fréttir
Fréttir
|
22. mars 2024
Menningarmót í Norðlingaskóla
Forseti sækir Menningarmót í Norðlingaskóla.
Lesa frétt
Fréttir
|
21. mars 2024
Alþjóðadagur Downs heilkennisins
Forseti tekur á móti pari af mislitum sokkum
Lesa frétt