Forseti flytur ávarp við opnun sögusýningar um aldarafmæli Félags íslenskra hjúkrunarfræðinga. Félagið var stofnað 19. nóvember 1919 og hét þá Félag íslenskra hjúkrunarkvenna. Við hæfi þótti að opna sýninguna í dag, kvenréttindadag Íslendinga. Að ávarpi loknu opnaði forseti sögusýninguna formlega ásamt Vigdísi Finnbogadóttur, fyrrverandi forseta og heiðursfélaga í Félagi íslenskra hjúkrunarfræðinga. Sigríður Eiríksdóttir, móðir Vigdísar, var um árabil formaður félagsins.