Forseti situr morgunverðarfund á Degi ábyrgrar ferðaþjónustu. Að viðburðinum standa Íslenski ferðaklasinn og Samtök ferðaþjónustunnar. Forseti afhenti hvatningarverðlaun fyrir frumkvæði og forystu í ábyrgri ferðaþjónustu og féllu þau í hlut ferðaþjónustufyrirtækisins Hey Iceland. Að verðlaunaafhendingu lokinni flutti Andri Snær Magnason erindi um ferðaþjónustu og viðmiðaskipti.