Forsetahjón sækja Matarmarkað Íslands sem haldinn er í Hörpu í Reykjavík. Bændur og aðrir athafnamenn höfðu þar á boðstólum varning sinn, kjötmeti og grænmeti, sósur og sjávarfang auk ýmissa annarra kræsinga, að ekki sé minnst á öl og annan drykk. Nú eru átta ár frá því að matarmarkaðurinn var fyrst haldinn og sífellt fjölgar þeim sem þar vilja kynna framleiðslu sína, einatt beint frá býli eða öðru búi.