Forsetahjón sækja hátíðarviðburð Samtaka íþróttafréttamanna í Hörpu í Reykjavík. Þar var lýst kjöri íþróttamanns ársins. Þjálfari ársins var einnig útnefndur, sem og lið ársins og þeir karlar og konur sem þóttu skara fram úr í sinni íþrótt, hlutu viðurkenningar. Forseti flutti ávarp og tók þar m.a. undir þau orð, sem heyrst hafa meðal almennings og á opinberum vettvangi undanfarin ár, að huga þurfi að nýjum leikvangi og keppnishöll fyrir landsleiki Íslands á innlendri grundu, í stað þeirra mannvirkja sem reist voru af stórhug um miðja síðustu öld. Upplýsingar um afstöðu stjórnvalda má m.a. lesa hér og hér. Hluta af ávarpi forseta má sjá hér.