Forseti sendi í morgun heillaóskir til Hildar Guðnadóttur tónskálds í tilefni þess að í gærkvöld hlaut hún Óskarsverðlaun fyrir tónlist sína við kvikmyndina Joker. Hildur hlaut þannig Óskarstyttu, fyrst Íslendinga og er vel að þeim heiðri komin eins og forseti rakti í kveðju sinni. Fyrir rúmum mánuði hlaut Hildur Guðnadóttir Bjartsýnisverðlaunin og tóku ættingjar hennar við þeim úr hendi forseta þar sem hún var þá upptekin ytra við enn aðra verðlaunaathöfn.