Forseti siglir með Árna Friðrikssyni, rannsóknaskipi Hafrannsóknastofnunar úr Reykjavíkurhöfn að nýjum höfuðstöðvum stofnunarinnar í Hafnarfirði. Á hátíðarsamkomu þar flutti forseti stutt ávarp og minnti þar á mikilvægi hafrannsókna að fornu og nýju, forystuhlutverk fiskifræðinganna Árna Friðrikssonar og Bjarna Sæmundssonar og þá lofsverðu viðleitni þeirra að leita ætíð í þekkingarsjóð landsmanna og miðla jafnframt eigin fræðum til almennings.