Forseti sækir hvatningarstund í Pakkhúsinu við Reykjavíkurhöfn, bækistöðvum skákfélagsins Hróksins og Kalak, vinafélags Grænlands og Íslands. Undir forystu Hrafns Jökulssonar er hafin fjársöfnun til stuðnings barnaheimilinu í bænum Tasiilaq á austurströnd Grænlands.
Á samkomunni í dag voru einnig kynnt áform um hreinsun fjara á Ströndum með liðsinni umhverfissamtakanna Blái herinn.