Forseti heimsækir bækistöðvar Arctus hjá Nýsköpunarmiðstöð Íslands. Við hátíðlega athöfn þar tók forseti á móti fyrstu álstönginni sem starfslið Arctus hefur framleitt með nýjum og byltingarkenndum hætti. Notuð eru rafskaut úr málmblöndum og keramiki í stað kolefnisskauta og þá myndast ekki koltvísýringur, heldur eingöngu ál og súrefni. Jón Hjaltalín Magnússon, forstjóri Arctus, kynnti framleiðsluferlið, samstarfstarfsaðila innanlands og utan- og framtíðaráform. Forseti flutti einnig ávarp og minnti þar á mikilvægi nýsköpunar, ekki síst nauðsyn þess að leita umhverfisvænni leiða í framleiðslu og vöruþróun. Þá leyfði forseti sér að nefna að þótt Jón Hjaltalín væri kominn af léttasta skeiði væri hann í fararbroddi framsýnna frumkvöðla; í heimi nýsköpunar ætti kynslóðabil ekki heima.
Fréttir
|
22. júní 2020
Umhverfisvænna ál
Aðrar fréttir
Fréttir
|
16. apr. 2024
Forsætisráðherra Skotlands
Forsetahjón eiga fund með Humza Yousaf.
Lesa frétt