Forseti flytur opnunarávarp og situr upphaf Ungmennaþings KSÍ. Þingið sátu ungir knattspyrnuiðkendur hvaðanæva af landinu og ræddu þau öll hvað vel er gert á vettvangi knattspyrnu fyrir ungmenni í landinu og hvað betur megi fara. Í máli sínu nefndi forseti meðal annars að þótt langflestir foreldrar og forráðamenn hagi sér sómasamlega á leikjum og mótum komi fyrir að fólk sýni dómurum, barnungum iðkendum og öðrum ekki þá virðingu sem vera ber.