Fjármál embættis forseta Íslands

Alþingi ákveður með fjárlögum á ári hverju hver framlög skuli vera til rekstrar embættis forseta Íslands. Rekstrarniðurstaða birtist svo í ríkisreikningi hvers árs.

Auðvelt er að nálgast upplýsingar um fjármál forsetaembættisins á vef fjármála- og efnahagsráðuneytisins en auk þess eru fjárlög og ríkisreikningur aðgengileg í prentuðu formi. Helstu útgjaldaþættir hjá embættinu eru rekstur húsnæðis, laun starfsmanna og kostnaður vegna opinberra heimsókna og annarra ferðalaga.

Kostnaður af rekstri embættis forseta Íslands árið 2018 var rúmar 325 milljónir króna skv. fjárhagskerfi ríkisins (í apríl 2019), að meðtöldum afskriftum. Verkefni embættisins hafa aukist ár af ári um langt skeið; þó vildi svo vel til að gjöldin lækkuðu lítillega milli ára í þetta sinn.

Þessi síða notar fótspor
Skoða nánar