Forseti á fund með Aminu Mohammed, aðstoðarframkvæmdastjóra Sameinuðu þjóðanna. Hún flytur aðalræðu á friðarráðstefnu í Reykjavík á morgun sem stjórnvöld standa að ásamt Alþjóðastofnun Háskóla Íslands. Á fundinum á Bessastöðum var rætt um heimsmarkmið Sameinuðu þjóðanna, loftslagsmál og sjálfbærni. Einnig var rætt um þau átök sem nú standa yfir fyrir botni Miðjarðarhafs, störf Sameinuðu þjóðanna og mögulegar leiðir til að gera þau skilvirkari og enn árangursríkari.