Fréttir | 18. ágú. 2017

Samúðarkveðja til Spánverja

Forseti sendir Felipe IV Spánarkonungi samúðarkveðju fyrir hönd íslensku þjóðarinnar í dag vegna hryðjuverksins sem framið var í Barcelona í gær. Í kveðjunni segir forseti að þeir sem vilji verja frelsi og öryggi í Evrópu þurfi sem fyrr að standa saman gegn þeirri ógn sem saklausu fólki stafi af ódæðum öfgamanna, miskunnarleysi þeirra og mannhatri. Hugur Íslendinga sé með Spánverjum í sorg þeirra. Fréttatilkynning.