Forseti ræðir við konur í íslenskum sjávarútvegi á viðburði þeirra í Grósku í Reykjavík.  Forseti átti samtal við Birnu Einarsdóttur sem situr í ráðgjafaráði Félags kvenna í sjávarútvegi. Félagið var stofnað árið 2013 í því skyni að styrkja og efla konur í greinum tengdum sjávarútvegi með samstöðu og hjálpsemi að leiðarljósi. Félagar þess eru nú 345 talsins. Árlega er haldinn viðburður í tengslum við aðalfund félagsins þar sem efnt er til samtals við konur sem skarað hafa fram úr á sínu sviði.