Forseti sendir Xi Jinping, forseta Kína, kveðju fyrir hönd íslensku þjóðarinnar í tilefni af 75 ára afmæli kínverska alþýðulýðveldisins á þjóðhátíðardegi þeirra þann 1. október. Í bréfinu segir forseti það ánægjulegt hve gjöful tengsl íslensku og kínversku þjóðarinnar hafi verið. Þá áréttaði hún að þrátt fyrir fjarlægðina heimshorna á milli og stærðarmun þjóðanna þá deili Kína og Ísland sameiginlegum hagsmunum og áskorunum með mannkyni öllu.

Í sama bréfi þakkaði forseti einnig fyrir árnaðaróskir sem Xi Jinping sendi í tilefni embættistöku hennar þann 1. ágúst.