Forseti tekur á móti Alejandra del Río Novo, nýjum sendiherra Spánar með aðsetur í Ósló, sem afhendir trúnaðarbréf sitt á Bessastöðum. Rætt var um þann mikla vöxt sem verið hefur í samskiptum Íslands og Spánar undanfarin ár á öllum sviðum, tíðan samgang milli landanna og fyrirætlanir um enn frekari styrkingu tengsla milli ríkjanna. Þá ítrekaði forseti samúðarkveðju til spænsku þjóðarinnar vegna náttúruhamfaranna sem nýlega riðu yfir Valensía-hérað.