Forseti heimsækir norska viðskiptaháskólann, BI Norwegian Business School, í Ósló og ræðir þar við nemendur og starfslið. Heimsóknin var liður í dagskrá þriggja daga ríkisheimsóknar forseta Íslands til Noregs og fylgdi Hákon krónprins forsetahjónum í skólann.

Rektor viðskiptaháskólans, Karen Spens, tók á móti gestunum og sýndi þeim skólann. Á sal fór svo fram viðburður fyrir nemendur og starfslið þar sem forseti tók þátt í arinspjalli um ábyrga forystu á viðsjárverðum tímum. Spyrill var Kristine Dahl Steidel, forstjóri Microsoft Norway.

Viðburðurinn var opinn almenningi og var honum streymt á netinu; upptökuna má nálgast hér.