Afmælismálþing Stígamóta
6. mars 2025
Forseti tekur þátt í samtali um útrýmingu kynferðisofbeldis.
Forseti tekur þátt í málþingi í tilefni af 35 ára afmæli Stígamóta, grasrótarsamtaka sem berjast gegn kynferðisofbeldi og veita aðstoð fyrir fólk sem hefur verið beitt kynferðisofbeldi. Samtökin voru stofnuð á Alþjóðlegum baráttudegi kvenna þann 8. mars 1989. Þá ákváðu íslenskar konur frá fjölda kvennasamtaka og félaga að helga daginn baráttunni gegn kynferðisofbeldi á Íslandi.
Hóparnir kynntu starfsemi sína á fjölmennum baráttufundi sem haldinn var í Hlaðvarpanum 8. mars 1989 en þar var ákveðið að stofna Samtök kvenna gegn kynferðisofbeldi. Fyrsta verkefni samtakanna var því að koma á ráðgjafar- og upplýsingamiðstöð fyrir konur og börn sem höfðu verið beitt kynferðisofbeldi. Stígamót, staðurinn þar sem stígar mætast og þaðan sem leiðirnar geta verið margar, hóf síðan starfsemi sína 8. mars 1990.
Í tilefni 35 ára afmælis samtakanna var efnt til málþingsins „Útrýmum kynferðisofbeldi" og fór það fram í Vigdísarstofnun. Við setningu málþingsins tók forseti þátt í arinspjalli við Drífu Snædal, talskonu Stígamóta, þar sem rætt var um næstu skref í baráttunni gegn ofbeldi, kynferðislegu og kynbundnu, og hvernig hægt sé að ala ungar kynslóðir upp í jafnrétti og virðingu.
Að því loknu tóku við pallborðsumræður við Þorbjörgu Sigríði Gunnlaugsdóttur dómsmálaráðherra og Heiðu Björgu Hilmisdóttur borgarstjóra sem ræddu stöðu málaflokksins við Drífu Snædal. Á málþinginu sagði einnig Sigrún Elsa Stefánsdóttir ráðgjafi hjá Stígamótum, sögu sína og París Anna Bergmann fjallaði um unga fólkið og framtíðina.
Fleiri fréttir
9. júlí 2026
„Ekkert eitt land getur stjórnað gervigreindinni upp á eigin spýtur“
Forseti sækir fund ráðgjafanefndar um gervigreind til góðs.
9. júlí 2026
„Ekkert eitt land getur stjórnað gervigreindinni upp á eigin spýtur“
8. júlí 2026
„Hvers konar samfélag – og mannkyn – viljum við skapa?“
Forseti ávarpar ráðstefnu á vegum SÞ í Genf.
8. júlí 2026
„Hvers konar samfélag – og mannkyn – viljum við skapa?“
6. júlí 2026
Forseti tekur sæti í alþjóðlegri ráðgjafanefnd um gervigreind
Vinnuferð forseta til Genf í Sviss.
6. júlí 2026
Forseti tekur sæti í alþjóðlegri ráðgjafanefnd um gervigreind