Annasamir dagar í Peking
15. október 2025
Forseti heldur til Shanghai.
Þriggja daga dagskrá forseta Íslands í Peking lauk í morgun. Auk þess að taka þátt í alþjóðlegri ráðstefnu um jafnréttismál og funda með Xi Jinping, forseta Kína, heimsótti hún jarðvarmafyrirtækið Arctic Green Energy og tók þátt í fjölmennum viðburði í íslenska sendiráðinu í borginni.
Fyrirtækið Arctic Green Energy, sem stofnað var af Hauki Harðarsyni, hefur borað yfir eitt þúsund borholur í leit að heitu vatni í Kína og komið þar að fjölda jarðhitaverkefna. Eftir hádegi á mánudag hittu forseti og sendiherra Íslands í Peking, Þórir Ibsen, forsvarsmenn fyrirtækisins. Um kvöldið sat forseti síðan kvöldverð í sendiherrabústaðnum með forystufólki í jafnréttismálum.
Eftir hádegi á þriðjudag, að loknum fundinum með Xi Jinping, fóru forseti Íslands og fylgdarlið í skoðunarferð um Forboðnu borgina í Peking. Forseti veitti einnig íslensku og kínversku fjölmiðlafólki viðtöl. Síðdegis átti hún síðan samtal við fjölmiðlakonuna Kelsey Cheng í samkomusal íslenska sendiráðsins. Þær ræddu meðal annars um áskoranir í umhverfismálum og samstarf Kína og Íslands á sviði jarðhita. Færri en vildu komust að til að hlýða á samtalið en í hópi gesta voru m.a. fulltrúar kínverskra fjölmiðla sem gert hafa opinberri heimsókn forseta góð skil.
Á þessum fjórða degi heimsóknar sinnar heldur forseti til Shanghai. Þar situr hún m.a. kvöldverð með fulltrúum íslenskra fyrirtækja sem eru með starfsemi í Kína og flytur ávarp á alþjóðlegri viðskiptaráðstefnu um umhverfismál og ábyrga stjórnarhætti.
Fleiri fréttir
16. september 2026
Fimm nýir sendiherrar
Forseti tekur við trúnaðarbréfum á Bessastöðum.
16. september 2026
Fimm nýir sendiherrar
14. september 2026
„Getum við lært að vera ósammála fallega?“
Forseti fundar með skólastjórnendum og nemendum framhaldsskóla og háskóla.
14. september 2026
„Getum við lært að vera ósammála fallega?“
11. september 2026
„Ljóð eru eins og andleg eróbikk“
Sýning helguð ljóðabókaskáp Vigdísar í Bókasafni Garðabæjar.
11. september 2026
„Ljóð eru eins og andleg eróbikk“