Beint streymi frá Samtali
10. október 2026
Ljósmyndir: Undirbúningshópar Samtals um land allt.
Forseti ávarpar þátttakendur um land allt frá Bessastöðum.
Forseti ávarpar þátttakendur í Samtali frá Bessastöðum.
Beint streymi frá Samtali er á vefjum helstu fréttamiðla og á talasaman.is frá kl. 14.00-17.00.
Fylgjast með streyminu.
Forseti sendir þátttakendum í Samtali kveðju í beinu streymi frá Bessastöðum klukkan 14.00 og 16.55 í dag. Hún tekur einnig þátt í samtalshring á efri hæð Bessastaðastofu. Þar bjuggu nemendur og kennarar Bessastaðaskóla á fyrri hluta 19. aldar sem þá var eini eiginlegi framhaldsskóli landsins og dýrmætur vettvangur samtals nemenda og kennara um framtíðina.
Á liðnum vikum hefur stór hópur fólks, samtaka, skóla og stofnana undirbúið verkefnið Samtal sem fram fer í dag í framhaldsskólum og víðar um land allt. Fjöldi fólks á ólíkum aldri skráði sig til þátttöku. Lykilspurning dagsins er: Hvernig samfélag viljum við skapa saman? Meðal þeirra sem lagt hafa hönd á plóginn eru Samtal - félag til almannaheilla, Bandalag íslenskra skáta, UMFÍ, Félag framhaldsskólanema, Skólameistarafélag Íslands, Landssamband íslenskra stúdenta, Riddarar kærleikans, Heimili og skóli, ráðuneyti, stofnanir, og einstaklingar.
Ungt fólk, sem tekið hefur þátt í undirbúningnum, verður með beint streymi meðan á Samtali stendur. Við upphaf dagskrárinnar, kl. 14.00, ávarpar forseti þátttakendur í gegnum streymið frá Bessastöðum. Hún mun einnig ávarpa hópinn í lok Samtalsins, kl. 16.55. Streymið er meðal annars aðgengilegt á vefnum talasaman.is. Með líkum hætti verður streymt frá viðburði í Hörpu kl. 14.00 á morgun, sunnudaginn 11. október. Þar verður afrakstri Samtalsins í dag miðlað til þjóðarinnar í tali og tónum. Viðburðurinn í Hörpu er einnig öllum opin.
Á vef Samtals má sjá ljósmyndir frá samtalshringjum víða um land.
Sjá nánar.
Fleiri fréttir
9. október 2026
Þversagnir gervigreindarinnar krufnar
Forseti tekur þátt í viðburði með Tristan Harris og Raskin-hjónum.
9. október 2026
Þversagnir gervigreindarinnar krufnar
9. október 2026
Leiðtogafundur í Höfða á sunnudag
Forseti býður alþjóðlegum hópi til samtals um frið, traust og þróun tækninnar.
9. október 2026
Leiðtogafundur í Höfða á sunnudag
6. október 2026
„Þetta má aldrei gerast aftur“
Forseti opnar sýningu um kjarnorkuárásirnar á Hiroshima og Nagasaki 1945.
6. október 2026
„Þetta má aldrei gerast aftur“