Boðberar mannúðarinnar
26. nóvember 2025
Forseti tekur á móti fánaberum Rauða krossins.
Ísleifur Þórhallsson, Sigríður Stefánsdóttir formaður Rauða krossins á Íslandi, Anna Regína Björnsdóttir, Safa Jemai, forseti, Guðríður Gunnlaugsdóttir, Andri Jónsson, Ellen Kristjánsdóttir, Tanja Ýr Ástþórsdóttir, Páll Eyjólfsson og Gísli Rafn Ólafsson framkvæmdastjóri Rauða krossins á Íslandi. Á myndina vantar fánaberann Vilhelm Þór Da Silva Neto. Ljósmynd: Sigurður Ólafur Sigurðsson.
Forseti tók á móti hópi fánabera sem ætla að leggja Rauða krossinum á Íslandi lið á komandi misserum. Um er að ræða nýtt verkefni, byggt á danskri fyrirmynd, þar sem valdir einstaklingar úr menningar- og viðskiptalífinu taka að sér safna fé til mannúðarverkefna samtakanna. Hver hópur mun starfa í eitt ár.
Fánaberar Rauða krossins 2026 eru Andri Jónsson og Guðríður Gunnlaugsdóttir, stofnendur og eigendur Barnaloppunnar, Anna Regína Björnsdóttir, forstjóri Coca-Cola Europacific Partners á Íslandi (CCEP), Ellen Kristjánsdóttir, tónlistarkona, Ísleifur Þórhallsson, framkvæmdastjóri Sena Live og Iceland Airwaves, Páll Eyjólfsson, framkvæmdastjóri Bæjarbíós í Hafnarfirði, Safa Jemai, stofnandi og framkvæmdastjóri Víkonnekt og Mabrúka, Tanja Ýr Ástþórsdóttir, frumkvöðull og áhrifavaldur og Vilhelm Þór Da Silva Neto, leikari og grínisti.
Forseti Íslands, sem er verndari Rauða krossins, ávarpaði hópinn og sagði mikilvægt að fólk úr viðskipta- og menningarlífi, þar sem nýsköpun og frumkvöðlahugsun hefði löngum verið áberandi, styddi við starf mannúðarsamtaka. Hún bætti síðar við: „Hlutverk ykkar sem Fánabera er ekki aðeins að safna fé til góðra verka heldur einnig að breiða út mannúðina á tímum þar sem hún virðist vera á undanhaldi.“
Fleiri fréttir
11. júlí 2026
Forsetahjónin taka þátt í Landsmóti hestamanna
Forseti veitti verðlaun í barnaflokki.
11. júlí 2026
Forsetahjónin taka þátt í Landsmóti hestamanna
9. júlí 2026
„Ekkert eitt land getur stjórnað gervigreindinni upp á eigin spýtur“
Forseti sækir fund ráðgjafanefndar um gervigreind til góðs.
9. júlí 2026
„Ekkert eitt land getur stjórnað gervigreindinni upp á eigin spýtur“
8. júlí 2026
„Hvers konar samfélag – og mannkyn – viljum við skapa?“
Forseti ávarpar ráðstefnu á vegum SÞ í Genf.
8. júlí 2026
„Hvers konar samfélag – og mannkyn – viljum við skapa?“