„Ekkert eitt land getur stjórnað þessari tækni upp á eigin spýtur“
9. júlí 2026
Ljósmyndir ITU/D. Woldu og vefur SÞ.
Forseti sækir fund ráðgjafanefndar um gervigreind til góðs.
Forseti á fundi alþjóðlegrar ráðgjafanefndar um gervigreind til góðs í Genf.
Alls sitja 44 einstaklingar í nýrri alþjóðlegri ráðgjafanefnd um gervigreind til góðs. Hægt er að fræðast um þá og verkefni nefndarinnar á vef hennar.
Sjá nánar.
Forseti Íslands, Halla Tómasdóttir, ávarpaði í gær Heimsþing um gervigreind til góðs (The AI for Good Global Summit) sem fram fer í Sviss. Þingið, sem skipulagt er af Alþjóðafjarskiptasambandinu (ITU) í samvinnu við Sameinuðu þjóðirnar (SÞ), hófst á þriðjudag og er hluti af Stafrænni viku í borginni Genf. Einnig sótti forseti í gærdag fyrsta fund alþjóðlegrar ráðgjafanefndar um gervigreind til góðs sem hún hefur tekið sæti í.
Ráðgjafanefndin, sem ITU og SÞ hafa kallað saman, er skipuð einstaklingum úr ólíkum áttum og með fjölbreyttan bakgrunn. Í hópnum eru þjóðarleiðtogar, ráðherrar, stjórnmálafólk og fulltrúar atvinnulífs, alþjóðastofnana og félagasamtaka. Ráðið er undir forystu Paul Kagame forseta Rúanda, Marc Benioff forstjóra Salesforce og Doreen Bogdan-Martin framkvæmdastjóra ITU. Meðal annarra sem sitja í nefndinni eru Alar Karis forseti Eistlands, Brad Smith forstjóri Microsoft, Julie Sweet forstjóri Accenture, tónlistarmaðurinn William Adams (will.i.am), Josephine Teo ráðherra upplýsingamála í Singapúr og Emma Theofelus ráðherra upplýsingamála í Namibíu. Verkefni nefndarinnar er að fjalla um tæknileg, samfélagsleg og efnahagsleg álitamál sem tengjast gervigreind og gera tillögur um stefnumótun á þessu sviði.
Í ávarpi sínu á Heimsþingi um gervigreind til góðs lagði forseti áherslu á að margir aðilar þyrftu að taka höndum saman til að móta umgjörð fyrir þær tækniframfarir sem væru að umbylta lífi einstaklinga og þróun samfélaga. Hún bætti við að brýnt að ungt fólk hefði einnig aðkomu á stefnumótun á þessu sviði. „Ekkert eitt land getur stjórnað þessari tækni upp á sitt einsdæmi. Ekkert eitt fyrirtæki getur aflað sér trausts upp á eigin spýtur. Og það er ekki hægt að ætlast til þess að ein kynslóð þurfi að axli ábyrgð á ákvörðunum sem hún á engan þátt í að móta.”
Fleiri fréttir
8. júlí 2026
„Hvers konar samfélag – og mannkyn – viljum við skapa?“
Forseti ávarpar ráðstefnu á vegum SÞ í Genf.
8. júlí 2026
„Hvers konar samfélag – og mannkyn – viljum við skapa?“
6. júlí 2026
Forseti tekur sæti í alþjóðlegri ráðgjafanefnd um gervigreind
Vinnuferð forseta til Genf í Sviss.
6. júlí 2026
Forseti tekur sæti í alþjóðlegri ráðgjafanefnd um gervigreind
2. júlí 2026
Hádegisverður með Alberti fursta af Mónakó
Stiklur úr dagbók forseta.
2. júlí 2026
Hádegisverður með Alberti fursta af Mónakó