Eyrarrósin
15. maí 2025
Eiginmaður forseta flytur ávarp og afhendir verðlaun.
Eiginmaður forseta, Björn Skúlason, flytur ávarp og afhendir Eyrarrósina við hátíðlega athöfn á Siglufirði. Eyrarrósin er viðurkenning fyrir framúrskarandi menningarverkefni utan höfuðborgarsvæðisins. Hún beinir sjónum að og hvetur til menningarlegrar fjölbreytni, nýsköpunar og uppbyggingar á sviði menningar og lista.
Maki forseta er verndari Eyrarrósarinnar sem er nú afhent í 20. sinn en á undan Birni fóru þær Eliza Reid og Dorritt Mousiaeff með verndarahlutverkið. Að verðlaununum standa í sameiningu Byggðastofnun, Icelandair og Listahátíð í Reykjavík.
Sköpunarmiðstöðin á Stöðvarfirði verðlaunuð
Að þessu sinni hlaut Sköpunarmiðstöðin á Stöðvarfirði viðurkenninguna. Sköpunarmiðstöðin er menningarsetur og vettvangur fyrir fjölbreytta lista-, menningar- og nýsköpunarstarfsemi. Í umsögn dómnefndar segir að Sköpunarmiðstöðin auðgi menningarlíf svæðisins svo um munar sem náttúrulegur vettvangur fyrir lifandi viðburði, bæði skipulagða og sjálfsprottna. Hún eykur þátttöku og aðgengi íbúa að listum og menningu og eflir menningarlæsi.
Eftir 15 ára starf hefur Sköpunarmiðstöðin nú verið viðurkennd sem fjórða menningarsetur Austurlands, ásamt Sláturhúsinu, Skaftfelli og Menningarstofu Fjarðabyggðar.
Þrír sprotar fá hvatningu
Við sama tilefni voru Hvatningarverðlaun Eyrarrósarinnar veitt í þriðja sinn, til þriggja nýrra menningarverkefna sem þykja hafa listrænan slagkraft, jákvæð áhrif á nærsamfélagið og burði til þess að festa sig í sessi. Verkefnin eru:
Gletta, sýningarrými sem leggur áherslu á samtímamyndlist á Borgarfirði eystra.
Afhverju Ekki, þverfaglegt vinnustofu- og rannsóknarsetur, einnig nefnt „The Absolutely Everything Studio“, sem stofnað var árið 2024 á Breiðanesi á Laugum í Þingeyjarsveit.
Tankarnir á Raufarhöfn, lýsistankar sem stóðu tómir frá 2006 en hafa nú, að ósk íbúa, fengið nýtt hlutverk og breytast í listatanka.
Fleiri fréttir
25. júlí 2026
Forsetahjón á ferð um Austurland
Forsetahjón taka þátt í Bræðslunni og Flugi og fákum.
25. júlí 2026
Forsetahjón á ferð um Austurland
24. júlí 2026
Forsetahjón heimsækja Húsavík og taka þátt í Mærudögum
Forseti afhendir Frímanni Sveinssyni viðurkenningu Norðurþings 2026.
24. júlí 2026
Forsetahjón heimsækja Húsavík og taka þátt í Mærudögum
23. júlí 2026
Forsetahjón á ferð um Norðurland
Forsetahjón heimsækja Akureyri og taka þátt í Landsmóti skáta.
23. júlí 2026
Forsetahjón á ferð um Norðurland