Forsetahjón á Þjóðhátíð
2. ágúst 2024
Forsetahjón eru viðstödd setningarathöfn Þjóðhátíðar.
Forseti Íslands, Halla Tómasdóttir, og Björn Skúlason, eiginmaður forseta, heimsækja Vestmannaeyjar og taka þar þátt í hátíðahöldum á Þjóðhátíð á fyrsta degi forseta í embætti.
Þjóðhátíð í Eyjum fagnar 150 ára afmæli í ár. Hátíðin á rætur sínar að rekja til hátíðahalda sem efnt var til um landið allt á þúsund ára afmæli Íslandsbyggðar þann 2. ágúst 1874. Frá árinu 1916 hefur hún verið haldin árlega í Vestmannaeyjum í ágústmánuði. Hefð er fyrir því að þar komi kynslóðir saman, ungir sem aldnir, og geri sér glaðan dag.
Íris Róbertsdóttir, bæjarstjóri Vestmannaeyjabæjar, tók á móti forsetahjónum ásamt fulltrúum þjóðhátíðarnefndar og ÍBV og leiddi þau um hátíðarsvæðið í Herjólfsdal. Þar voru forsetahjón viðstödd setningarathöfn hátíðahaldanna auk þess sem þau heimsóttu hvítu tjöldin og ræddu við heimamenn og aðra hátíðargesti.
Fleiri fréttir
16. september 2026
Fimm nýir sendiherrar
Forseti tekur við trúnaðarbréfum á Bessastöðum.
16. september 2026
Fimm nýir sendiherrar
14. september 2026
„Getum við lært að vera ósammála fallega?“
Forseti fundar með skólastjórnendum og nemendum framhaldsskóla og háskóla.
14. september 2026
„Getum við lært að vera ósammála fallega?“
11. september 2026
„Ljóð eru eins og andleg eróbikk“
Sýning helguð ljóðabókaskáp Vigdísar í Bókasafni Garðabæjar.
11. september 2026
„Ljóð eru eins og andleg eróbikk“