Fundur með Bretakonungi
19. nóvember 2025
Forseti fer í vinnuferð til Bretlands.
Buckingham-höll í Lundúnum. Ljósmynd: Breska konungsembættið.
Forseti Íslands, Halla Tómasdóttir, fer í vinnuferð til Bretlands dagana 19.–21. nóvember 2025. Tilefni ferðarinnar er einkafundur forseta með Karli 3. Bretakonungi í Buckingham-höll, fimmtudaginn 20. nóvember.
Í ferðinni mun forseti einnig kynna sér miðstöðina Sustainable Ventures sem styður við sprotafyrirtæki sem vinna að sjálfbærni og loftslagslausnum. Forseti heimsækir auk þess tvo háskóla. Fyrri heimsóknin er í King‘s College þar sem hún ræðir við Juliu Gillard, fv. forsætisráðherra Ástralíu, m.a. um leiðtogahæfni, jafnréttismál og loftslagslausnir. Seinni háskólaheimsóknin er í London Business School þar sem forseti ræðir við Costas Markides, prófessor í stefnumótun og nýsköpun, um velsældarhagkerfi og áherslur leiðtoga á umbrotatímum.
Í heimsókninni sækir forseti líka sendiráð Íslands heim og hittir þar Íslendinga búsetta í Bretlandi. Á lokadegi heimsóknarinnar lítur hún við í útibúi 66°Norður við Regent Street og heimsækir veitingastaðinn „Churchill‘s Fish & Chips“ í Uxbridge, í vesturhluta Lundúna.
Fleiri fréttir
11. júlí 2026
Forsetahjónin taka þátt í Landsmóti hestamanna
Forseti veitti verðlaun í barnaflokki.
11. júlí 2026
Forsetahjónin taka þátt í Landsmóti hestamanna
9. júlí 2026
„Ekkert eitt land getur stjórnað gervigreindinni upp á eigin spýtur“
Forseti sækir fund ráðgjafanefndar um gervigreind til góðs.
9. júlí 2026
„Ekkert eitt land getur stjórnað gervigreindinni upp á eigin spýtur“
8. júlí 2026
„Hvers konar samfélag – og mannkyn – viljum við skapa?“
Forseti ávarpar ráðstefnu á vegum SÞ í Genf.
8. júlí 2026
„Hvers konar samfélag – og mannkyn – viljum við skapa?“