Gullkistan Vestfirðir
6. september 2025
Forseti sækir Ísafjörð og Flateyri heim.




Forseti varði deginum á Ísafirði og Flateyri. Fyrir hádegi átti hún fund með bæjarstjóra Ísafjarðarbæjar, Sigríði Júlíu Brynleifsdóttur, og heimsóttu þær síðan íþróttafélagið Vestra. Lið meistaraflokks karla hjá Vestra leikur í Bestu deildinni og vann nýverið bikarkeppnina í knattspyrnu.
Um hádegisbil opnaði forseti sýninguna Gullkistan Vestfirðir í íþróttahúsinu Torfnesi og flutti ávarp. Sýningin varpaði ljósi á hvað Vestfirðir hafa upp á að bjóða í atvinnulífi og menningu og kynntu hátt í 80 fyrirtæki og stofnanir þar starfsemi sína.
Eftir hádegi fór forseti til Flateyrar og flutti þar ávarp við setningu Lýðskólans á Flateyri. Skólinn er að hefja sitt áttunda starfsár og eru nemendur í ár tuttugu talsins. Einnig heimsótti forseti vinnustofu myndlistarkonunnar Jean Larson. Larson hefur m.a. málað tólf vegglistaverk af íslenskum fuglum á húsveggi bygginga á Flateyri undir heitinu Flatbirds.
Fleiri fréttir

16. nóvember 2026
„Móðurmálið mitt góða ... mjúka og ríka.“
Stiklur úr dagbók forseta.
16. nóvember 2026
„Móðurmálið mitt góða ... mjúka og ríka.“

16. nóvember 2026
Traust, samvinna og ábyrgð
Forseti tekur þátt í heimsþingi kvenleiðtoga og átaki á vegum BÍL.
16. nóvember 2026
Traust, samvinna og ábyrgð

15. nóvember 2026
„Vinur er sá sem til vamms segir“
Forseti sækir minningarstund um fórnarlömb umferðarslysa.
15. nóvember 2026
„Vinur er sá sem til vamms segir“