„Hæfni ykkar er framtíðarhæfni“
7. febrúar 2026
Rut og Silja
Forseti tekur þátt í nýsveinahátíð IMFR
Forseti, Halldór Þ. Haraldsson formaður IMFR og Inga Sæland, mennta- og barnamálaráðherra, í hópi nýsveina. Ljósmyndir Rutar og Silju.
Forseti flutti ávarp og veitti viðurkenningar á árlegri Nýsveinahátíð Iðnaðarmannafélagsins í Reykjavík sem fram fór á Hótel Natura. Þetta er í 20. skipti sem hátíðin fer fram og hefur forseti frá upphafi verið verndari hennar.
Á hátíðinni var 33 nýsveinum veitt viðurkenning fyrir framúrskarandi árangur á sveinsprófi á liðnu ári. Heiðursiðnaðarmenn félagsins 2026 eru þau Kristín Magnúsdóttir blómaskreytir og Tómas Bergþór Þorbjörnsson húsgagnasmiður. Þau fengu viðurkenningu fyrir vel unnin störf og vinnu við framgang iðnar og menntunar á sínum sviðum.
Í ávarpi sínu á Nýsveinahátíðinni ræddi forseti meðal annars um þær áskoranir sem gervigreind hefur í för með sér á vinnumarkaði. Um það efni sagði hún meðal annars:
„En það er mikilvægt að muna að þótt gervigreind sé fær um margt þá getur hún ekki allt. Hún getur ekki brett upp ermar og mætt á svæðið, metið aðstæður með eigin augum eða brugðist við óvæntum vandamálum. Og það er henni líklega ofviða að „kippa einhverju í liðinn“ þegar allt er í hnút og þörf er á reynslu, skynsemi og góðum skammti af íslenskri útsjónarsemi. Gervigreindin getur heldur ekki lofað að „fínpússa þetta í fyrramálið“ og staðið við það. Hæfni ykkar er því ekki aðeins gagnleg — hún er framtíðarhæfni. Hún byggir á mannlegri þekkingu, lipurð, ábyrgð og fagmennsku sem verða sífellt verðmætari í heimi sjálfvirkni og skjágláps.“
Unnt er að lesa ávarpið í heild sinni á hér á vef embættisins.
Fleiri fréttir
2. júní 2026
Sóknarfæri í nýtingu jarðhita
Forseti fundar með utanríkisráðherra Slóvakíu.
2. júní 2026
Sóknarfæri í nýtingu jarðhita
1. júní 2026
Gestkvæmt á Bessastöðum
Stiklur úr dagbók forseta.
1. júní 2026
Gestkvæmt á Bessastöðum
27. maí 2026
„Líðan barna er mælikvarði á heilbrigði samfélagsins“
Forseti í samtali við framkvæmdastjóra UNICEF.
27. maí 2026
„Líðan barna er mælikvarði á heilbrigði samfélagsins“