Handritasýningin
1. desember 2024
Forsetahjón heimsækja Eddu á fullveldisdaginn.
Forsetahjón skoða handritasýninguna í Eddu. Ljósmynd: Sigurður Stefán Jónsson
Forsetahjón heimsækja handritasýninguna Heimur í orðum á fullveldisdaginn, 1. desember. Sýningin var opnuð í Eddu, húsi íslenskunnar, á degi íslenskrar tungu þann 16. nóvember. Þar gefst almenningi kostur á að sjá íslensku handritin sem geyma ómetanlegan menningararf þjóðarinnar.
Guðrún Nordal, forstöðumaður Stofnunar Árna Magnússonar, og Sigrún Kristjánsdóttir sýningarstjóri tóku á móti forsetahjónum og fræddu þau um handritin og framsetningu þeirra á sýningunni.
Meðal handrita á sýningunni eru frægustu íslensku miðaldahandritin, Konungsbók eddukvæða og Flateyjarbók. Áhersla er lögð á ríkulegt innihald handritanna, bæði texta og myndir, þar sem líf, dauði, tilfinningar og trú, völd og heiður koma við sögu. Fjallað er um erlend áhrif á íslenska menningu á miðöldum og um íslenska tungu en einnig hvaða spor íslenskar fornbókmenntir hafa markað í útlöndum.
Sjá pistil forseta: Heimur í orðum.
Fleiri fréttir
4. október 2026
„Tímabært að setja samtal, frið og framtíðina á dagskrá“
Fjöldi viðburða í tilefni af 40 ára afmæli leiðtogafundarins.
4. október 2026
„Tímabært að setja samtal, frið og framtíðina á dagskrá“
3. október 2026
„Við skulum taka höndum saman“
Forseti leggur tveimur landssöfnunum lið.
3. október 2026
„Við skulum taka höndum saman“
2. október 2026
„Framtíðin þarf á fólki að halda sem kann að hlusta“
Forseti sækir afmælishátíðir þriggja framhaldsskóla.
2. október 2026
„Framtíðin þarf á fólki að halda sem kann að hlusta“