Handritin skoðuð
8. október 2024
Forsetahjón og konungshjón heimsækja Árnasafn í Kaupmannahafnarháskó...
Annette Lassen rannsóknarprófessor fræðir forsetahjón og konungshjónin um sagnaarfinn sem handritasafn Árna Magnússonar hefur að geyma. Ljósmynd: Mads Frost
Forsetahjón heimsækja Árnasafn við Kaupmannahafnarháskóla í fylgd með Friðriki X. Danakonungi og Mary drottningu.
Á safnið komu einnig Lilja Alfreðsdóttir, menningar- og viðskiptaráðherra, og Christina Egelund, mennta- og vísindamálaráðherra Danmerkur, sem undirrituðu sameiginlega yfirlýsingu um handritasafn Árna Magnússonar. Yfirlýsingin kveður á um leiðir til að auka þekkingu á handritunum og efla áframhaldandi samstarf og samvinnu landanna um varðveislu þeirra. Viðburðurinn var liður í tveggja daga ríkisheimsókn forseta Íslands til Danmerkur.
Sjá einnig myndasafn frá ríkisheimsókn til Danmerkur.
Fengu að skoða öryggishvelfinguna
Handritasafn Árna Magnússonar er einstakt á heimsvísu og hefur að geyma heimildir sem eru að miklu leyti undirstaða að miðaldasögu Norðurlanda. Handritasafnið er varðveitt í tveimur söfnum í tveimur löndum, í Árnasafni í Kaupmannahöfn og á Árnastofnun í Reykjavík. Handritasafnið var í heild sinni sett á sérstakan varðveislulista UNESCO árið 2009 sem kallast Minni heimsins sem undirstrikar mikilvægi þess fyrir heimsbyggðina.
Forsetahjón og konungshjón fengu kynningu á safninu og sagði Annette Lassen, rannsóknarprófessor við Árnastofnun, viðstöddum frá sagnaarfinum sem þau varðveita og sagði frá efnisþáttum í Njáls sögu. Þá fengu þjóðhöfðingjarnir og makar þeirra einnig að skoða öryggishvelfinguna þar sem handritin eru varðveitt.
Á undanförnum árum hafa Ísland og Danmörk unnið að leiðum til þess að gera handritaarfinum hærra undir höfði. Nánar má lesa um efni viljayfirlýsingarinnar á vefsíðu menningar-og viðskiptaráðuneytisins.
Fleiri fréttir
11. júlí 2026
Forsetahjónin taka þátt í Landsmóti hestamanna
Forseti veitti verðlaun í barnaflokki.
11. júlí 2026
Forsetahjónin taka þátt í Landsmóti hestamanna
9. júlí 2026
„Ekkert eitt land getur stjórnað gervigreindinni upp á eigin spýtur“
Forseti sækir fund ráðgjafanefndar um gervigreind til góðs.
9. júlí 2026
„Ekkert eitt land getur stjórnað gervigreindinni upp á eigin spýtur“
8. júlí 2026
„Hvers konar samfélag – og mannkyn – viljum við skapa?“
Forseti ávarpar ráðstefnu á vegum SÞ í Genf.
8. júlí 2026
„Hvers konar samfélag – og mannkyn – viljum við skapa?“