Heillaóskir til Bandaríkjanna
20. janúar 2025
Forseti sendir Donald Trump heillaóskir.

Forseti sendir Donald Trump heillaóskir frá sér og íslensku þjóðinni vegna innsetningar hans í embætti forseta Bandaríkjanna. Trump var kjörinn forseti í annað sinn í kosningum þann 5. nóvember 2024 og fer embættistakan fram í dag, mánudaginn 20. janúar.
Í bréfinu fagnar forseti farsælu stjórnmálasambandi ríkjanna um áratuga skeið og áréttar að sem stofnaðilar að Atlantshafsbandalaginu deili Ísland og Bandaríkin bæði sameiginlegum gildum og hagsmunum. „Við Íslendingar metum mikils vináttu okkar við Bandaríkjamenn og sívaxandi gagnkvæm tengsl, meðal annars á sviði viðskipta, menntunar, menningar og ferðaþjónustu,“ segir í bréfinu.
Forseti vekur máls á því að Ísland njóti þeirrar gæfu að teljast friðsælasta land heims og vilji beita sínum áhrifum til góðra verka. Þá minnist forseti leiðtogafundarins í Höfða, þegar Ísland varð vettvangur sögulegra viðræðna milli Ronalds Reagan og Mikaíls Gorbatsjov í tilraun þeirra til að binda enda á kalda stríðið. Enn sé ákall eftir friði í heiminum og nú sem fyrr þurfi til þess alþjóðlega skuldbindingu. Sjálf sé hún ævinlega reiðubúin að styðja við einlæga viðleitni til að stuðla að friði og réttlæti.
Að lokum segist forseti hlakka til áframhaldandi farsæls samstarfs milli þjóðanna og óskar Donald Trump velfarnaðar í embætti sem forseti Bandaríkjanna.
Fréttatilkynning.
Fleiri fréttir

16. nóvember 2026
„Móðurmálið mitt góða ... mjúka og ríka.“
Stiklur úr dagbók forseta.
16. nóvember 2026
„Móðurmálið mitt góða ... mjúka og ríka.“

16. nóvember 2026
Traust, samvinna og ábyrgð
Forseti tekur þátt í heimsþingi kvenleiðtoga og átaki á vegum BÍL.
16. nóvember 2026
Traust, samvinna og ábyrgð

15. nóvember 2026
„Vinur er sá sem til vamms segir“
Forseti sækir minningarstund um fórnarlömb umferðarslysa.
15. nóvember 2026
„Vinur er sá sem til vamms segir“