„Heillaspor í baráttunni gegn krabbameini“
9. maí 2026
Ljósmyndir: Krabbameinsfélag Íslands.
Forseti ávarpar aðalfund Krabbameinsfélags Íslands sem fagnar 75 ára afmæli.
„Verkefnið er að breyta ótta í þekkingu, einmanaleika í samstöðu, og óvissu í von,“ sagði forseti í ávarpi sínu.
Forseti setti aðalfund Krabbameinsfélags Íslands sem fagnar 75 ára afmæli í ár. „Með stofnun krabbameinsfélaganna voru stigin dýrmæt heillaspor í baráttu landsmanna gegn einum af mannskæðustu sjúkdómum heimsbyggðarinnar. “ sagði forseti í opnunarávarpi sínu.
Krabbameinsfélag Íslands hefur gegnt mikilvægu hlutverki hérlendis í fræðslu, forvörnum, skimun og stuðningi við krabbameinssjúklinga og aðstandendur þeirra. Aðildarfélögin eru nú 27 og spanna breitt svið, allt frá svæðisbundnum félögum til sérhæfðra stuðningsfélaga. „Starfsemin ber skýrt vitni um eitt af því sem mér þykir hvað vænst um í fari okkar Íslendinga: samtakamáttinn – viljann til að standa saman og láta gott af sér leiða,“ sagði forseti meðal annars í ávarpi sínu. Hún bætti síðar við:
„Baráttan við krabbamein er bæði líkamleg og andleg og í umönnun sjúklinga og aðstandenda þurfa læknavísindin og kærleikurinn að haldast í hendur. Þekking, mannleg snerting og hugrekki eru ekki aukaatriði heldur hluti af meðferðinni og batahorfunum. Og þarna liggur einn kjarninn í starfi Krabbameinsfélagsins, og fjölmargra annarra almannaheillasamtaka. Verkefnið er að breyta ótta í þekkingu, einmanaleika í samstöðu, og óvissu í von.“
Fleiri fréttir
4. október 2026
„Við skulum taka höndum saman“
Forseti leggur tveimur landssöfnunum lið.
4. október 2026
„Við skulum taka höndum saman“
4. október 2026
„Tímabært að setja samtal, frið og framtíðina á dagskrá“
Fjöldi viðburða í tilefni af 40 ára afmæli leiðtogafundarins.
4. október 2026
„Tímabært að setja samtal, frið og framtíðina á dagskrá“
2. október 2026
„Framtíðin þarf á fólki að halda sem kann að hlusta“
Forseti sækir afmælishátíðir þriggja framhaldsskóla.
2. október 2026
„Framtíðin þarf á fólki að halda sem kann að hlusta“