Heimsþing kvenleiðtoga
10. nóvember 2025
Forseti tekur þátt í Reykjavík Global Forum
Forseti ásamt Nicolu Sturgeon, fyrrverandi fyrsta ráðherra Skotlands. Ljósmynd: EFÍ.
Forseti tók á móti þátttakendum á Heimsþingi kvenleiðtoga, Reykjavík Global Forum, á Bessastöðum á sunnudag. Daginn eftir var samtal forseta við Gary Barker, framkvæmdastjóra Equimundo, hluti af opnunarviðburði þingsins í Hörpu. Þau ræddu meðal annars um kynjajafnvægi, stöðu stúlkna og drengja í raunheimum og rafheimum og vísbendingar um versnandi líðan ungs fólks í vestrænum samfélögum.
Að samtali þeirra loknu átti forseti fjölmarga tvíhliða fundi. Meðal þeirra sem hún hitti að máli voru Mariana Betsa, aðstoðarutanríkisráðherra Úkraínu, Melanne Verveer, framkvæmdastjóri Georgetown Institute for Women, Peace and Security, Lindiwe Dlamini, forseti öldungardeildar þingsins í Eswatini, Isata Mahoi, jafnréttis- og barnamálaráðherra Sierra Leone, Inga Ruginienė, forsætisráðherra Litháens og Nicola Sturgeon, fyrrverandi fyrsti ráðherra Skotlands.
Yfir 500 kvenleiðtogar taka þátt í Heimsþingi kvenleiðtoga sem samtökin Women Political Leaders standa árlega fyrir á Íslandi í samvinnu við íslensk stjórnvöld. Þetta er í áttunda sinn sem heimsþingið er haldið.
Fleiri fréttir
16. september 2026
Fimm nýir sendiherrar
Forseti tekur við trúnaðarbréfum á Bessastöðum.
16. september 2026
Fimm nýir sendiherrar
14. september 2026
„Getum við lært að vera ósammála fallega?“
Forseti fundar með skólastjórnendum og nemendum framhaldsskóla og háskóla.
14. september 2026
„Getum við lært að vera ósammála fallega?“
11. september 2026
„Ljóð eru eins og andleg eróbikk“
Sýning helguð ljóðabókaskáp Vigdísar í Bókasafni Garðabæjar.
11. september 2026
„Ljóð eru eins og andleg eróbikk“