HÍ og heimsmarkmiðin
27. nóvember 2024
Forseti tekur þátt í opnu samtali á vegum Háskóla Íslands.
Ljósmyndir: Kristinn Ingvarsson
Forseti tekur þátt í viðburði á vegum Háskóla Íslands þar sem fjallað er um heimsmarkmið Sameinuðu þjóðanna, en þau lýsa stærstu viðfangsefnum og helstu áskorunum sem þjóðir heims standa nú frammi fyrir. Öll aðildarríki Sameinuðu þjóðanna hafa skuldbundið sig til að innleiða markmiðin sautján bæði á innlendum og erlendum vettvangi út gildistíma þeirra árið 2030.
Viðburðurinn er sá fyrsti í röð viðburða á vegum Háskóla Íslands þar sem heimsmarkmiðin 17 verða tekin fyrir með áherslu á eitt markmið í hverri lotu. Á þessum fyrsta viðburði vetrarins var sjónum beint að sextánda markmið SÞ, um frið og réttlæti í heiminum. Viðburðurinn var sýndur í beinu streymi og má sjá upptökuna hér: https://vimeo.com/event/4739728
Jón Atli Benediktsson háskólarektor flutti opnunarávarp viðburðarins og að því loknu flutti Margrét Valdimarsdóttir, dósent í félags- og afbrotafræði við Háskóla Íslands, erindið „Ofbeldi ungs fólks: Þróun, áhættuþættir og fyrirbyggjandi aðgerðir.“ Að því loknu tóku við pallborðsumræður og spurningar úr sal.
Að þeim umræðum loknum fór forseti á svið og átti þar samtal í formi sófaspjalls við Hafdísi Hönnu Ægisdóttur, forstöðumann Sjálfbærnistofnunar Háskóla Íslands, um stöðu og þróun mála tengdu ofbeldi meðal barna og ungmenna. Rætt var um hvaða viðhorfsbreytingar þurfi að verða gagnvart málaflokknum og hvernig samfélagið geti betur stutt við börn og ungmenni. Þá ræddi forseti um hvernig nýta megi embættið til að stuðla að jákvæðum breytingum og betri líðan barna og ungmenna.
Samhliða viðburðinum átti forseti fund með Jóni Atla Benediktssyni, rektor Háskóla Íslands.
Sjá einnig pistil forseta: Heimsmarkmiðin.
Fleiri fréttir
9. október 2026
Leiðtogafundur í Höfða á sunnudag
Forseti býður alþjóðlegum hópi til samtals um frið, traust og þróun tækninnar.
9. október 2026
Leiðtogafundur í Höfða á sunnudag
6. október 2026
„Þetta má aldrei gerast aftur“
Forseti opnar sýningu um kjarnorkuárásirnar á Hiroshima og Nagasaki 1945.
6. október 2026
„Þetta má aldrei gerast aftur“
4. október 2026
„Tímabært að setja samtal, frið og framtíðina á dagskrá“
Fjöldi viðburða í tilefni af 40 ára afmæli leiðtogafundarins.
4. október 2026
„Tímabært að setja samtal, frið og framtíðina á dagskrá“