Höfðingjar heimsækja Jónshús
8. október 2024
Forsetahjón og dönsku konungshjónin heimsækja Jónshús.

Ljósmyndir/Hildur María Valgarðsdóttir





Forsetahjón heimsækja Jónshús í Kaupmannahöfn ásamt dönsku konungshjónunum, Friðriki X. konungi og Mary Elizabeth drottningu. Var þetta fyrsta heimsókn dansks þjóðhöfðingja í Jónshús.
Forseti Alþingis, Birgir Ármannsson, tók á móti hinum opinberu gestum í Jónshúsi ásamt Rögnu Árnadóttur, skrifstofustjóra Alþingis, Auði Elvu Jónsdóttur, formanni stjórnar Húss Jóns Sigurðssonar, og Höllu Benediktsdóttur, forstöðumanni hússins. Auk opinberra sendinefnda var forseta danska þingsins, Søren Gade, boðið í Jónshús af þessu tilefni.
Forseti Alþingis og Halla Benediktsdóttir, forstöðumaður Jónshúss, fluttu gestum ávarp og greindu frá hlutverki og starfsemi hússins sem hefur verið miðstöð félagsstarfs Íslendinga á Hafnarslóð í meira en hálfa öld. Jafnframt ávörpuðu samkomuna fulltrúar félaga íslenskra kvenna í dönsku atvinnulífi, þær Jórunn Einarsdóttir, formaður FKA í Danmörku, og Jóhanna Edwald, formaður Katla Nordic. Að því loknu skoðuðu forsetahjónin og konungshjónin sýningu endurgerðs heimilis Jóns Sigurðssonar og Ingibjargar Einarsdóttur og rituðu í gestabók Jónshúss.
Að dagskrá lokinni bauð forseti Alþingis hinum opinberu gestum og sendinefndum til hádegisverðar í Jónshúsi og karlakórinn Hafnarbræður flutti lag áður en forsetahjón og konungshjón kvöddu gestgjafa.
Heimsóknin í Jónshús var liður í tveggja daga ríkisheimsókn forseta til Danmerkur.
Myndasafn: Ríkisheimsókn til Danmerkur.
Fleiri fréttir

16. nóvember 2026
„Móðurmálið mitt góða ... mjúka og ríka.“
Stiklur úr dagbók forseta.
16. nóvember 2026
„Móðurmálið mitt góða ... mjúka og ríka.“

16. nóvember 2026
Traust, samvinna og ábyrgð
Forseti tekur þátt í heimsþingi kvenleiðtoga og átaki á vegum BÍL.
16. nóvember 2026
Traust, samvinna og ábyrgð

15. nóvember 2026
„Vinur er sá sem til vamms segir“
Forseti sækir minningarstund um fórnarlömb umferðarslysa.
15. nóvember 2026
„Vinur er sá sem til vamms segir“