Hvalavinir
14. nóvember 2024
Forseti á fund með fulltrúum félagasamtaka.

Forseti á fund með fulltrúum félagasamtaka um umhverfis- og dýravernd sem tekið hafa höndum saman um að beita sér gegn áframhaldi hvalveiða við Íslandsstrendur. Samtökin hafa í sameiningu mótmælt því að ákvörðun um útgáfu hvalveiðileyfis verði tekin í tíð tímabundinnar starfsstjórnar. Fulltrúar þeirra kynntu forseta sjónarmið sín um verndun hvalastofna og vísuðu meðal annars til dýravelferðar, umhverfissjónarmiða, áhrifa á íslenska ferðaþjónustu og nýlegra skoðanakannana um aukna andstöðu almennings við hvalveiðar.
Rætt var um stjórnsýsluhætti, þjóðarrétt og Hafréttarsamning Sameinuðu þjóðanna. Þá var rætt um leiðir til að efla samtalið milli almennings og félagasamtaka við stjórnvöld og atvinnulífið í stefnumarkandi málum.
Íslensku samtökin sem um ræðir eru Hvalavinir, Landvernd, Náttúruverndarsamtök Íslands, Samtök grænkera á Íslandi, Samtök um dýravelferð á Íslandi og Ungir umhverfissinnar. Fundinn sátu einnig fulltrúar alþjóðlegu samtakana Humane Society Internationald og Last Whaling Station.
Fleiri fréttir

16. nóvember 2026
„Móðurmálið mitt góða ... mjúka og ríka.“
Stiklur úr dagbók forseta.
16. nóvember 2026
„Móðurmálið mitt góða ... mjúka og ríka.“

16. nóvember 2026
Traust, samvinna og ábyrgð
Forseti tekur þátt í heimsþingi kvenleiðtoga og átaki á vegum BÍL.
16. nóvember 2026
Traust, samvinna og ábyrgð

15. nóvember 2026
„Vinur er sá sem til vamms segir“
Forseti sækir minningarstund um fórnarlömb umferðarslysa.
15. nóvember 2026
„Vinur er sá sem til vamms segir“