Kveðja frá Kósovó
24. október 2025
Vjosa Osmani forseti Kósovó minnist Kvennafrídagsins.
Í tilefni af 50 ára afmæli Kvennafrídagsins sendi Vjosa Osmani forseti Kósovó myndband með kveðju til forseta Íslands og Íslendinga.
Kveðjan er svohljóðandi:
„Kæra frú forseti, Halla Tómasdóttir, kæru vinir.
Mér er sannur heiður að minnast með ykkur fimmtíu ára afmælis hins sögulega Kvennafrídags á Íslandi, dags sem breytti ekki aðeins íslensku þjóðinni til frambúðar heldur hvatti kynslóðir kvenna um allan heim til að standa vörð um jafnrétti og réttlæti.
Ég heiti Vjosa Osmani og er forseti Kósovó, lands hvers frelsi, friður og lýðræði hafa byggst á hugrekki og þolgæði íbúanna, ekki síst kvenna okkar; kvenna sem voru í fararbroddi í mótmælum gegn kúgun, kvenna sem börðust við hlið karla í sjálfstæðisbaráttunni og kvenna sem eru nú leiðtogar okkar á opinberum vettvangi með skýra framtíðarsýn.
Saga Kósovó er saga fólks, ekki síst kvenfólks, sem aldrei gafst upp. Þegar við tökum höndum saman og fögnum arfleifð íslenska Kvennafrídagsins endurnýjum við einnig sameiginlegt heit um að tryggja að sérhver stúlka í sérhverju landi hafi frelsi til að láta sig dreyma, velja og verða leiðtogi.
Við berum sameiginlega ábyrgð á að tryggja raunverulegt jafnrétti. Konur um allan heim þurfa að axla þá ábyrgð í sameiningu. Aðeins þannig getum við skapað farveg varanlegra breytinga.
Í Kósovó, á Ísland og um heim allan skulum við standa áfram vörð um réttlæti, reisn og jafnrétti öllum til handa. Jafnrétti er eini lykillinn að almennri velsæld allra íbúa þjóða okkar.
Þakka ykkur fyrir.“
Einnig sendu kveðjur í tilefni Kvennafrídagsins fr. Lucia Witbooi varaforseti Namibíu, fr. Sandra Mason forseti Barbados og Vjosa Osmani forseti Kósovó.
Fleiri fréttir
11. júlí 2026
Forsetahjónin taka þátt í Landsmóti hestamanna
Forseti veitti verðlaun í barnaflokki.
11. júlí 2026
Forsetahjónin taka þátt í Landsmóti hestamanna
9. júlí 2026
„Ekkert eitt land getur stjórnað gervigreindinni upp á eigin spýtur“
Forseti sækir fund ráðgjafanefndar um gervigreind til góðs.
9. júlí 2026
„Ekkert eitt land getur stjórnað gervigreindinni upp á eigin spýtur“
8. júlí 2026
„Hvers konar samfélag – og mannkyn – viljum við skapa?“
Forseti ávarpar ráðstefnu á vegum SÞ í Genf.
8. júlí 2026
„Hvers konar samfélag – og mannkyn – viljum við skapa?“