Kvennafrídagurinn 2025
24. október 2025
Forseti tekur sé frí 24. október.
„Ég mun taka mér frí 24. október og standa með systrum mínum og bræðrum gegn ofbeldi og með friði og framförum sem byggjast á jafnrétti fyrir alla.“ Þetta voru lokaorð blaðagreinar forseta sem birtist í gær í tilefni af Kvennafrídeginum 2025 sem er í dag. Þess er meðal annars minnst að 50 ár eru liðin frá fyrsta Kvennafrídeginum 24. október 1975.
Í gær flutti forseti ávarp á viðburði í Bíó Paradís þar sem sjónvarpsmyndin Takk Vigdís var frumsýnd. Í myndinni ræðir Ragnhildur Steinunn Jónsdóttir við fjölskyldu, vini og samstarfsfólk frú Vigdísar Finnbogadóttur, um forsetatíð hennar 1980 til 1996. Myndin er á dagskrá RÚV í kvöld.
Einnig var sýnd í Bíó Paradís heimildamyndin Dagurinn sem Ísland stöðvaðist (The Day Iceland Stood Still) eftir Pamelu Hogan og Hrafnhildi Gunnarsdóttur. Við það tækifæri voru einnig sýnd stutt myndbönd með heillaóskum sem hafa borist forsetaembættinu frá kvenleiðtogum fjögurra landa í jafnmörgum heimsálfum í tilefni dagsins. Kveðjurnar senda fr. Lucia Witbooi varaforseti Namibíu, fr. Mary Simon landstjóri Kanada, fr. Sandra Mason forseti Barbados og fr. Vjosa Osmani forseti Kósovó.
Eftir hádegi í dag eru svalir á Staðastað, skrifstofu embættisins við Sóleyjargötu, hluti af sviðsmynd Sögugöngu Kvennaársins 2025. Kristrún Kolbrúnardóttir leikkona bregður sér þar í hlutverk frú Vigdísar Finnbogadóttur.
Fleiri fréttir
11. júlí 2026
Forsetahjónin taka þátt í Landsmóti hestamanna
Forseti veitti verðlaun í barnaflokki.
11. júlí 2026
Forsetahjónin taka þátt í Landsmóti hestamanna
9. júlí 2026
„Ekkert eitt land getur stjórnað gervigreindinni upp á eigin spýtur“
Forseti sækir fund ráðgjafanefndar um gervigreind til góðs.
9. júlí 2026
„Ekkert eitt land getur stjórnað gervigreindinni upp á eigin spýtur“
8. júlí 2026
„Hvers konar samfélag – og mannkyn – viljum við skapa?“
Forseti ávarpar ráðstefnu á vegum SÞ í Genf.
8. júlí 2026
„Hvers konar samfélag – og mannkyn – viljum við skapa?“