Leiðarvísir Vertonet
14. nóvember 2024
Forseti tekur þátt í setningu átaksverkefnis.
Forseti ræðir við Ásdísi Eir Símonardóttur, driffjöður átaksverkefnis Vertonet um að fjölga konum og kvárum í upplýsingatæknnigeiranum.
Forseti tekur þátt í setningu átaksverkefnis um að auka nýliðun kvenna og kvára í upplýsingatæknistörfum. Að átakinu standa Vertonet, samtök kvenna og kvára í upplýsingatækni á Íslandi. Hlutfall kvenna og kvára í upplýsingatækni er um 28% hér á landi, en mikil vöntun er á sérfræðingum í geiranum.
Átaksverkefninu var hleypt af stokkunum 2022 og er nú komið að síðari fasa þess. Lokamarkmiðið að smíða ókeypis leiðarvísi, Vertonet Playbook, sem verði verkfærakista til að auðvelda fyrirtækjum og stjórnendum að stuðla að inngildandi vinnustaðamenningu og stuðli að því að fleiri konur og kvár kjósi sér upplýsingatækni sem starfsvettvang.
Átakinu var ýtt úr vör með rafrænum fundi mannauðsfólks og fólks í tæknigeiranum þar sem öll fengu tækifæri til að leggja sitt af mörkum við smíði leiðarvísins. Forseti tók þátt í setningu viðburðarins með opnu samtali við driffjöður verkefnisins, Ásdísi Eir Símonardóttur, mannauðs- og stjórnendaráðgjafa. Rætt var um áherslur forseta á jafnréttismál, eiginleika góðra leiðtoga og framtíð leiðtogahlutverka, gildi fjölbreytileika á vinnustöðum og reynslu forseta af aðferðum við inngildingu á alþjóðlegum vinnumarkaði.
Að loknu samtalinu við forseta tóku ýmsir sérfræðingar til máls og verður áfram unnið úr afsrakstri fundarins við gerð leiðarvísis Vertonets á næstu vikum.
Fleiri fréttir
17. mars 2026
Nýr aðstoðarmaður forseta
Guðrún Dröfn Guðmundsdóttir ráðin í tímabundið starf.
17. mars 2026
Nýr aðstoðarmaður forseta
3. mars 2026
Góðir gestir frá Kanada
Forseti fundar með Francis Scarpaleggia.
3. mars 2026
Góðir gestir frá Kanada
28. febrúar 2026
„Heilbrigð sál í hraustum líkama“
Forseti vígir íþróttamiðstöð í Búðardal.
28. febrúar 2026
„Heilbrigð sál í hraustum líkama“