„Matur segir svo margar sögur“
27. september 2026
Ljósmyndir: Birgir Ísleifur.
Forsetahjón sækja hátíðina Matur og menning.
Forsetahjón sóttu hátíðina Matur og menning sem Efling - stéttarfélag stóð fyrir í félagsheimili sínu við Guðrúnartún. Á boðstólum var fjölbreytt úrval rétta sem félagsfólk Eflingar hafði lagað. Sólveig Anna Jónsdóttir, formaður Eflingar, tók á móti forsetahjónum og sagði hún dýrmætt að fá tækifæri til að kynna menningu, hefðir og matargerð félagsfólks fyrir þeim.
Þetta er í fjórða sinn sem efnt er til þessarar hátíðar en meðal markmiða hennar er að fagna þeim mikla fjölbreytileika sem einkennir félaga Eflingar sem koma frá yfir 140 löndum. Meðal kræsinga að þessu sinni voru heilsteikt svín að filippseyskum hætti, vorrúllur frá Víetnam og sjávarréttasúpa frá Hondúras.
„Matur segir svo margar sögur – um uppruna, fjölskyldur, hefðir og heimili – og hefur einstakt lag á að tengja okkur saman,“ sagði forseti að heimsókninni lokinni. „Það var ekki síður dýrmætt að heyra sögurnar á bak við réttina og eiga góð samtöl við fólkið sem tók á móti okkur. Ég fór södd heim og mun fróðari en þegar ég kom.”
Fleiri fréttir
4. október 2026
„Tímabært að setja samtal, frið og framtíðina á dagskrá“
Fjöldi viðburða í tilefni af 40 ára afmæli leiðtogafundarins.
4. október 2026
„Tímabært að setja samtal, frið og framtíðina á dagskrá“
3. október 2026
„Við skulum taka höndum saman“
Forseti leggur tveimur landssöfnunum lið.
3. október 2026
„Við skulum taka höndum saman“
2. október 2026
„Framtíðin þarf á fólki að halda sem kann að hlusta“
Forseti sækir afmælishátíðir þriggja framhaldsskóla.
2. október 2026
„Framtíðin þarf á fólki að halda sem kann að hlusta“