Með opinn faðminn
30. nóvember 2025
Ljósmyndari: Karl Ágúst Sveinsson
Forsetahjón á aðventuhátíð í Bústaðakirkju.
Frá aðventuhátíð Bústaðakirkju. Ljósmynd: Jón Svavarsson.
Forsetahjón voru heiðursgestir á árlegri aðventuhátíð Bústaðakirkju en þess var um leið minnst að kirkjan var vígð fyrsta sunnudag í aðventu árið 1971. Á dagskrá var fjölbreyttur tónlistarflutningur og lesið upp úr ritningunni, auk þess sem forseti og formaður sóknarnefndar kirkjunnar, Þórður Sigurðsson, fluttu ávörp.
Í hátíðarávarpi sínu vék forseti meðal annars að byggingarsögu kirkjunnar sem teiknuð var af Helga Hjálmarssyni. Hún rifjaði upp að í frétt af vígslunni kom fram að lögun Bústaðakirkju átti að minna á fisk, hið forna tákn kristinnar kirkju, en líka að byggingin væri hugsuð eins og opinn faðmur. Síðar í ávarpi sínu sagði forseti:
„Guðsþjónustur og samverustundir eins og þessi aðventuhátíð eru dýrmætar. Við njótum hér saman söngs og félagsskapar, tíma án síma, í auðmýkt gagnvart æðri mætti. Slíkar stundir gefa okkur bæði tóm og tilefni til að trúa á hið góða og finna að hvert og eitt okkar skiptir máli. Mig langar til að þakka ykkur í Bústaðakirkju og Fossvogssókn fyrir að vera hér til staðar með opinn faðminn.“
Ávarp forseta er aðgengilegt á vef embættisins.
Fleiri fréttir
28. ágúst 2026
Samúðarkveðja til Noregs
Forseti sendir Hákoni VIII samúðarkveðjur vegna andláts Haraldar V.
28. ágúst 2026
Samúðarkveðja til Noregs
27. ágúst 2026
Forseti fundar með forseta Úkraínuþings
Ruslan Stefanchuk, forseti Úkraínuþings, í opinberri heimsókn á Íslandi.
27. ágúst 2026
Forseti fundar með forseta Úkraínuþings
25. ágúst 2026
Myndir Ránar af frú Vigdísi prýða nýjan spilastokk
Forseti tekur á móti fulltrúum Barnaheilla.
25. ágúst 2026
Myndir Ránar af frú Vigdísi prýða nýjan spilastokk