Mikilvægi iðn- og verkgreina
15. september 2025
Forseti hittir þátttakendur í EuroSkills.
Forseti tók á móti íslenskum þátttakendum í EuroSkills, Evrópumóti iðn- og verkgreina, sem fram fór í Danmörku dagana 9. til 13. september. Keppt er á tveggja ára fresti og voru þrettán keppendur sendir til leiks frá Íslandi að þessu sinni. Verkiðn, samtök um keppnir í iðn- og verkgreinum á Íslandi, skipuleggur þátttöku Íslands í mótinu.
Óskar Hafnfjörð Gunnarsson, sem situr í stjórn Verkiðnar, flutti stutt ávarp á Bessastöðum þar sem hann óskaði hópnum til hamingju með frábæran árangur en þar stóðu upp úr bronsverðlaun Gunnars Guðmundssonar, keppanda í iðnaðarrafmagni.
Forseti tók undir þær óskir og ræddi um mikilvægi iðnmenntunar í skólakerfinu. Hún sagði ástæðu til að minna ungt fólk á að þarna væri um að ræða störf sem gervigreind myndi seint eða aldrei gera óþörf. Í kjölfarið afhenti forseti keppendum, þjálfurum og liðstjóra íslenska hópsins viðurkenningar fyrir þátttökuna í EuroSkills.
Fleiri fréttir
6. október 2026
„Þetta má aldrei gerast aftur“
Forseti opnar sýningu um kjarnorkuárásirnar á Hiroshima og Nagasaki 1945.
6. október 2026
„Þetta má aldrei gerast aftur“
4. október 2026
„Tímabært að setja samtal, frið og framtíðina á dagskrá“
Fjöldi viðburða í tilefni af 40 ára afmæli leiðtogafundarins.
4. október 2026
„Tímabært að setja samtal, frið og framtíðina á dagskrá“
3. október 2026
„Við skulum taka höndum saman“
Forseti leggur tveimur landssöfnunum lið.
3. október 2026
„Við skulum taka höndum saman“