Ómetanlegt framlag þriðja geirans
13. nóvember 2025
Forseti gestur á Fundi fólksins, ráðstefnu Almannaheilla.
Forseti og Hildur Tryggvadóttir Flóvenz, formaður Almannaheilla, á sviðinu í Hörpu. Ljósmynd: Ragnhildur Aðalsteinsdóttir.
Forseti var sérstakur gestur á Fundi fólksins, ráðstefnu Almannaheilla, sem fram fór í Hörpu. Ræddi hún þar við Hildi Tryggvadóttur Flóvenz, formann Almannaheilla, um mikilvægi þriðja geirans í íslensku samfélagi.
Almannaheill eru regnhlífarsamtök á fimmta tug félagasamtaka og sjálfseignarstofnana sem starfa á sviði velferðar, mannréttinda, menningar, lýðræðis, umhverfismála og samfélagsþróunar. Oft er vísað til þeirra sem þriðja geirans þar sem starfsvettvangur þeirra og viðfangsefni brúa bilið milli hins opinbera og einkafyrirtækja.
Samræða forseta við Hildi bar yfirskriftina „Ómissandi fyrir samfélagið“. Þær ræddu meðal annars um hvort og hvernig almannaheillafélög gætu unnið enn betur saman að einstökum málefnum. Forseti færði ráðstefnugestum og öllum öðrum sem sinna sjálfboðaliðastörfum í þágu almennings þakkir fyrir ómetanlegt framlag til velferðar í landinu.
Fleiri fréttir
16. september 2026
Fimm nýir sendiherrar
Forseti tekur við trúnaðarbréfum á Bessastöðum.
16. september 2026
Fimm nýir sendiherrar
14. september 2026
„Getum við lært að vera ósammála fallega?“
Forseti fundar með skólastjórnendum og nemendum framhaldsskóla og háskóla.
14. september 2026
„Getum við lært að vera ósammála fallega?“
11. september 2026
„Ljóð eru eins og andleg eróbikk“
Sýning helguð ljóðabókaskáp Vigdísar í Bókasafni Garðabæjar.
11. september 2026
„Ljóð eru eins og andleg eróbikk“