Opið hús á Bessastöðum
6. febrúar 2025
Forseti tekur á móti gestum milli kl. 18-22 á Safnanótt.
Í tilefni Safnanætur á Vetrarhátíð verður forsetasetrið að Bessastöðum opið almenningi föstudagskvöldið 7. febrúar. Forseti tekur á móti gestum og býðst fólki að skoða staðinn milli klukkan 18:00 og 22:00.
Bessastaðir eiga sér merka sögu. Auk Bessastaðastofu, sem byggð var á 18. öld, munu gestir geta skoðað móttökusal og bókhlöðu forsetasetursins sem eru síðari tíma viðbyggingar. Í húsinu má meðal annars sjá úrval myndlistar eftir íslenska listamenn og sýnishorn gjafa sem borist hafa forsetum lýðveldisins. Þá verða til sýnis dæmi um mannvistarleifar sem fundist hafa við fornleifarannsóknir og veita innsýn í búsetu á Bessastöðum allt frá landnámstíð. Að þessu sinni verður Bessastaðakirkja lokuð vegna framkvæmda og fornleifauppgraftar. Eins verður fornleifakjallarinn lokaður.
Á gafl Bessastaðakirkju verður varpað myndefni frá Kvikmyndasafni Íslands af íslensku mannlífi í forsetatíð nokkurra fyrrverandi forseta. Fyrsti forsetabíllinn, Packard bifreið Sveins Björnssonar, mun standa í hlaði ef veður leyfir en bifreiðin er árgerð 1942.
Starfsmenn embættis forseta og aðstoðarmenn veita upplýsingar um staðinn og verða gestum til aðstoðar.
Fleiri fréttir
16. september 2026
Fimm nýir sendiherrar
Forseti tekur við trúnaðarbréfum á Bessastöðum.
16. september 2026
Fimm nýir sendiherrar
14. september 2026
„Getum við lært að vera ósammála fallega?“
Forseti fundar með skólastjórnendum og nemendum framhaldsskóla og háskóla.
14. september 2026
„Getum við lært að vera ósammála fallega?“
11. september 2026
„Ljóð eru eins og andleg eróbikk“
Sýning helguð ljóðabókaskáp Vigdísar í Bókasafni Garðabæjar.
11. september 2026
„Ljóð eru eins og andleg eróbikk“