Snjalltæki og tengslarof
1. september 2025
Forseti efnir til samtals um símafrið.
Forseti boðaði til samtals á Bessastöðum með ungu fólki og ýmsum fagaðilum til að ræða áhrif snjalltækja- og samfélagsmiðla á líf og líðan barna og ungmenna, sem og uppalenda þeirra. Forseti hefur rætt opinberlega um þetta efni undanfarin misseri og sagði m.a. í ávarpi á Hólahátíð í ágúst:
„Athyglissamfélagið, eins og farið er að kalla þá þjóðfélagsgerð sem við búum nú við, hefur að mínu mati rænt okkur innri og ytri ró, aukið bilið milli kynslóða, rofið tengsl okkar hvert við annað og snertinguna við náttúruna í kringum okkur. Við leggjum jafnvel meiri rækt við skjáinn en velferð okkar sjálfra og nánustu ættingja.“
Meðal þess sem bar á góma meðal gesta voru símasiðir fullorðinna, stafrænn útivistartími, öryggishlutverk símtækja og þau tvíbentu áhrif sem boð og bönn geta haft ef ekki er hugað að jákvæðri og uppbyggilegri fræðslu. Ákveðið var að halda umræðum um efnið áfram og hvetja til frekara samstarfs á þessum vettvangi.
Fleiri fréttir
4. október 2026
„Tímabært að setja samtal, frið og framtíðina á dagskrá“
Fjöldi viðburða í tilefni af 40 ára afmæli leiðtogafundarins.
4. október 2026
„Tímabært að setja samtal, frið og framtíðina á dagskrá“
3. október 2026
„Við skulum taka höndum saman“
Forseti leggur tveimur landssöfnunum lið.
3. október 2026
„Við skulum taka höndum saman“
2. október 2026
„Framtíðin þarf á fólki að halda sem kann að hlusta“
Forseti sækir afmælishátíðir þriggja framhaldsskóla.
2. október 2026
„Framtíðin þarf á fólki að halda sem kann að hlusta“